ÜNDİYYƏTDƏ UĞURLU OLMAĞIN ƏN GİZLİ SİLAHI

 

İstər iş həyatınızda, istərsə də şəxsi yaşamınızda uğurlu olmaq istəyirsizsə bu qaydanı hər zaman DİQQƏTƏ almalısınız.

 İnsanı digər bütün canlılardan fərqləndirən, sirrlərlə dolu olan möhtəşəm beynimizdir.

Möhtəşəm olan bu beynimiz qərar qəbul edərkən hər zaman ətrafda olanları dəyərləndirir.

Dəyərləndirməni isə duyğu (lamisə) orqanları vasitəsilə həyata keçirir.

Yəni gördüklərinə, eşitdiklərinə, qoxladıqlarına, daddıqlarına və toxunduqlarına söykənərək dəyərləndirmə edir.

Ancaq məsələ burasındadır ki, beynimiz aldığı bu məlumatların hər birinə eyni səviyyədə yanaşmır.

 

Bunların içində GÖRSƏLLİK beyin üçün ən vacibidir.

Qərar vermədən sorumlu olan Köhnə Beynimiz bir mənalı GÖRSƏLDİR.

Gözlər vasitəsilə ötürülən mesajlar eşitmədən 40 qat sürətlidir.

Görsəl xəbərdarlıqla bağlı qərarlar 2 millisaniyədə verilə bilir.

İnsanlar öyrəndiklərinin 75%-ni görərək, 13%-ni isə eşidərək öyrənir.

 

Bütün bunlar nə mənaya gəlir?

İstər şifahi, istərsə də yazılı ünsiyyət zamanı qarşı tərəfə mesaj ötürərkən GÖRSƏLLİYİ istifadə etməlisiniz.

 

   1) - Deyəlim ki, danışıq yoluyla (şifahi) satış etməyə çalışırsız. Müştəri beynində alacağı malın görsəlliyini canlandıra bilməsəniz satış etməniz çox çətindir.

 

Örnək 1: “Əgər ev satırsınızsa evin tikintisində istifadə edilən qum, daş, armaturdan danışmaq müştərinin o qədər marağına səbəb olmayacaq. Ancaq müştərinin özünü o evin içində xəyal etməsinə yardımçı olarsınızsa, yəni beynində görsəllik canlanarsa alış ehtimalı çox artar”

 

Örnək 2: “Əgər bir arıqlatma aləti satırsınızsa bu alətin performasından danışmağınız o qədər də işinizə yaramayacaq. Ta ki siz müştəri beynində canlandırma etməyənə qədər. Arıqladığında necə gözəl görünəcəyi, arzu etdiyi geyimləri geyinə biləcəyi, daha enerjili olacağı, həyatdan daha çox zövq alacağı ilə bağlı görsəllik yaradatdığınızda həmin alət özü-özünü satacaq”

 

   2) -  Təqdimat zamanı (yazılı ünsiyyət) da bu da qayda keçərlidir.

Təqdimat slaydlarınızda yazılar xaricində görsəl materiallardan (rəsm, qrafik, infiqraf və s.) istifadə edilməsi dinləyicilərinizin həm diqqətini çəkəcək, həm də ötürmək istədiyiniz bilgilərin ağılda qalıcılığını artıracaq.

Araşdırmalar ortaya qoyur ki, bilgi ötürərkən tək başına görsəl istifadə etmək, sadəcə yazı istifadə etməkdən 3 qat təsirlidir.

Görsəl materialları yazı ilə birgə istifadə etmək isə sadəcə yazı istifadə etməkdən 6 qat daha təsirlidir.

Ancaq görsəlləriniz slaydda ötürmək istədiyiniz mesajla əlaqəli olmalı, onu gücləndirməlidir.

Süsləmə məqsədilə istifadə edilən görsəllər əks təsir göstərər. Ötürmək istədiyiniz mesajı qarmaşıqlaşdırar və dinləyicinin diqqətini dağıdar.

 Örnək: “Steve Jobs Mac Air notebookunun təqdimatı zamanı kompüterin xüsusiyyətlərini sıralamaq yerinə dinləyicilərin qarşısına 1 zərflə çıxaraq onları təəccübləndirmiş, kompüterin ən önəmli yeniliyi olan incəliyinə vurğu etməyi bacarmışdır”

 Ünsiyyət zaman, satış zamanı , birini inandırmağa çalışdığınız zaman GÖRSƏLLİKDƏN maksimum istifadə edin. Edin ki, işiniz rahat olsun. Əks təqdirdə qarşınızdakının beyni qərar qəbul etmək əvəzinə düşünməyi və ertələməyi seçəcək.

 

Faydalı olması diləyi ilə...